130
ستغليت الندوة الصحفية نتاع بلماضي اليوم … الشيئ اللي شفناه باين هو ان الناخب الوطني ، تحسن بزاف على مستوى طريقة التواصل خاصة مع ذلك النوع الرديئ من الصحفيين وهذا هو الشي اللي كنا باغيين نشوفوه..السيد شفناه calme، مضرور بزاف، بصح باغي ينتقم من افريقيا…الهدوء نتاع المدرب أهم شيئ مطلوب من المدرب اللي ينعكس على أداء اللاعبين….اللاعب كي يتشلوش مايمدلك والو….الدافع موجود وهي حاجة تبعث على التفاؤل..
المحتوى نتاع الندوة كان ثاني ممتاز جدا….أولها قضية اندي ديلور….الشاب اغلط بصح ماقتلش روح، ياراجل عيط للسيد، هو ثاني مولا وليدات يخدم عليهم وبني طاسي نتوع نيس دارولو الشونطاج….عيطلو وهنينا من بونجاح الى الأبد من فضلك….ديلور كان قادر يفدڨ الكاميرون….المهم صفحة جديدة واللي فات مات…
الصحافة الجزائرية ، يالخاوة، a bunch of losers…. ماشي صحافة، مايستاهلوش يتكلم معاهم، لا بلماضي ولاغير بلماضي …السيد يهدر والغاشي مجمع فالتيليفون…. ؟؟؟؟؟ياعوذو بالله، هذو ماشي صحفيين هذو باندية …. ونتساءل اذا هذو جزايريين؟
اجابات مقنعة اعطاها هذي المرة ماشي كيما المرات اللي فاتو…. خاصة في سبب تلقي الهدف الثاني في الدقيقة الأخيرة…. بغا يقول لبدران وبن عيادة وتوبة واش طلع قسامكم لفوق وتديرو الزازة مع اللاعبين نتوع الكاميرون….
المهم مليح كيما تأهلناش بالاك ، على خاطر بهذاك الفريق ماكناش رايحين نديرو حاجة كبيرة…. نشالله برك بلماضي مايبقاش لاصق في مجموعة نتاع لاعبين ….. انشالله يبدل العقلية ويرجعها كيما نتاع غوارديولا…. اللي ما يلعبش مليح ، الڨاريطة ديراكت….
اهم حاجة نظن تعلمها بلماضي هو انو لازم يكون هادئ ، نظنو شاف الماتشات نتوع ريال مدريد مؤخرا…. اللاعبين نتوع ريال مدريد قاع مايقلقوهاش ….خاسرين بثلاثة ضد تشيلسي والمانسيتي، يحافظو على الهدوء نتاعهم بشكل غريب وكأن مكان والو…. ولذلك السبب هم على قمة أوروبا….
برافو لبلماضي ال mea culpa واصل نحن وراءك في رحلة العودة على قمة القارة “الكلباء”.
