تخيل ياخويا المواطن أن هذا المكان شكون اللي راهي تخدم فيه على حساب رايك؟ شكون اللي راه يدير في هذو الممرات الرائعة في الغابة؟ وشكون اللي راه يفرس فيها ويهوي فيها باش ، بعيد الشر، لوكان تشعر النار ، تكون فيه ميكانيزمات للسيطرة عليها؟ شكون اللي راه يسهر على النظافة نتاع الغابة؟ حتى تقول مانخرجش منها، مكانش أثر لكاغط أو قرعة بلاستيك أو حتى بقايا ماكلة كيما اللي نشوفوها في الغابات نتوعنا؟
الجواب: عمال مؤسسة البلدية يالخاوة ، يعني كيما مؤسسة
la regie اللي كانت كاينة في بوقائد في وقت المير السابق واللي قامت بأشياء رائعة….
المير هو اللي يسخر كل وقتو باش يلقى أفكار يقدر يغير بيها شكل الحياة في المنطقة، هو اللي يجيب أفكار جديدة تصنع حركة ثقافية في المنطقة، هو اللي يحبب الناس في تعلم العلم، العلم الحقيقي، ماشي مسابقات التحفيظ اللي خباطة قوش دروات، من خلال خلق جو يصنع رغبة لدى الشباب باش يتعلمو العلم الحديث، صدقوني هذا الأمر يهتم بيه لميار في هذي البلاد؛ لميار هنايا يهتمو بالثقاقة باش تكبر العقول نتاع الناس….. المير هو اللي لازم يقضي كل وقتو في التفكير كيفاش يخلق فرص عمل، أو يجلب استثمارات تخلق فرص عمل، هو اللي يصنع محيط نظيف او هو اللي يغير الواقع رغم شح الإمكانيات….
ماأعرفة ان الولاية لوكان يجيها مسؤول بلدي بمشروع وافي الدراسة ومستوفي كل شروط التحقيق والوضوح، الولاية اللي تمثل الدولة تعطيه المال باش يجسد ذاك المشروع بكل تأكيد…..
أنا نهار اللي يقولولي بللي راهم يبنو فالسكاني مانفرحش يالخاوة، مامعنى بناء السكاني؟ يعني يقسموهم للناس، الناس يتزوجو ، يجيبو الذراري وصرفي عليهم ياحكومة…. انا نفرح نهار اللي نشوف بناء العقول….
نتمنى الخير ليلادي
Source : https://m.facebook.com/story.php?story_fbid=10225739490927269&id=1030703299&sfnsn=mo&mibextid=RUbZ1f
