قصيدة شعبية جزائرية تحت عنوان ” علابالي و علابالك ” ما يعني انني اعلم و انتي كذالك مؤلفة من المغني و الكاتب و المجاهد الجزائري الكبير رحمه الله محمد الباجي و الذي ألف هذه القصيدة بخصوص الحرية هو الذي سجن و حكم عليه بالإعدام لكن نجى بفضل الله من الإستعمار الفرنسي ، هذه القصيدة تتكلم على الحرية بالمعنى لكن كأنها مهدية لإمرأة تحت إسم حورية ” اسم جزائري ” يعني ان رجل يتكلم مع إمرأة على العشق و وقت الزواج و خاصة بالحب لكن هو يتكلم في الحقيقة على الحرَية و ان الجزائرية قريبا ستكون حرة مستقلة إليكمـ القصــيدة :
هو: علابالي و علابالك، وعلابالي بيك *** علابالي بقلبك يهواني من نظرة عينيك ياك أنا تاني نبغيك
أختي من الدين و الطين *** إنتيا ليا و أنايا ليك
هي: خويا من الدين و الطين *** إنتايا روحي و أنا عينيك
هو: علابالك من قلبي نبغيك *** و من غيرك ما يحلالي
كيفاش تحبيني نخليك *** كي سكنتي في بالي
نطلب من ربنا يسجيك *** و يخليك ليا الغالي
نقصدك من أمك و أبيك *** و رضاهم هو الشي اللي يرضيك و نجي نديك
هي: علابالي بأنك تهواني *** فهمتك من نظرة عينيك
اللي أول مرة اللي كلمتني *** حسيت بقلبي طاير ليك
نتما عرفت جنك سكن جني *** يا عمري أنايا عينيك
اسبق قبل ما يخطبوني *** لكان تحبني يا نور عيوني اديني ليك
هو: نهواك و الله هو العالم *** هو العالم ما في الغيوب
أنا من قلبي نتكلم *** و المولى يعلم بالقلوب
محال ما ننجم (ما نقدر) فيك نسلم *** و كل شي راهو بالمكتوب
راني عازم نتقدم *** و نكلم على اللي يلزم عليا و عليك
هي: لازم علينا الفرض مع السنة *** عندنا حنا العرب المسلمين
هكدا جا محمد نبينا *** في سيرة الطاعة و الدين
ارسل أهلك يربطولي الحنة *** هادي عادة الأولين
فيك نستنا و نتمنا *** و قليبي ما بغا يتهنا حتى نجيك
هو: الوالدين ماقالوشي لا لا *** و كلامنا عندهم حق و معقول
دعوتنا من الله راهي مقبولة *** في وقت اللي كان بابو محلول
كي اليوم نعياو في جلسة مجمولة *** و سعدنا متسقم معدول
في ليلة كاملة مكمولة *** و رحمة من عند المولى عليا و عليك
هي: ما نتهنا حتى تراك العين *** كلما نسمع بصوتك في الزنقة
نشوفك بالسرقة من الوالدين *** نطل من شباك التاقة
يا ريت لو كانو عندي جنحين *** نجي لعندك بالدرقة
نجي و نجيب الياسمين *** تلاقيني بيديك الإثنين تنسى العليل
هو : إسمك خالد و يسموك حورية *** يا حورية فنات عليك الأجيال
مليون و نصف شهيد راحو ضحية *** بيهم نلنا الإستقلال
بيهم حيات و شعشعت إفريقيا *** و الباراكة في اللي ما زال
حق الأنبية و الأولية *** أبو بكر و سمية نموت عليك
1 comment
إسمك خالد و يسموك حورية *** يا حورية فنات عليك الأجيال
قصيدة رائعة
شكرا