153
الإتفاق الذي تم بين نظام المخنز والكيان الصهيوني (في الحقيقة هما نفس الشيئ) حول الأمن السيبيراني، نتج عنه مباشرة آلاف الصفحات التي تقدم نفسها على أنها لمواطنين جزائريين من منطقة القبائل…..السبب معروف مايستاهلش الانسان يهدر عليه..
عندي مدة لاحظت وحد العناصر في الصفحة نتاعي تظهر دائما باسماء مستعارة ومن بعد يختفوا كيما les loups-garous ……عندهم خصائص مشتركة، كيفاش تعرف واحد بللي مخنز من عند نظام المخنز.
1- عندو كل شيئ أسود عن الجزائر. قاع المسؤولين فاسدين والجيش فاسد ومكان حتى واحد يصلح والبرلمان فاسد… ومكان حتى حاجة تندار مليحة.
2 – يڨولك عندي معلومات على مسؤولين فاسدين وماشي حاب نهدر، هو في الحقيقة عندو الشعر…
3 – يعطي الانطباع بللي قبايلي وهوما ماشي قبايلي.
4 – يكره الجيش أشد الكره….
5 – كل مرة يكونيكتي بكونت مختلف، باش يبث السم نتاعو…
6 – مهمتو الأساسية لفت الانظار الى الاشياء السلبية فقط، ولاد الحرام يحبوا يهبطوا المورال نتاع الناس .
7 – جامي يروح على الصفخات اللي معروفة بعداءها للنظام ولا للبلاد، لان هذوك راهم في الجيب، يركز على الصفحات نتاع خاصة الوطنيين.
8 – البروفيل نتاعو مكان اسمو ولاخدمتو ولا صورتو ولا أي حاجة،….يعني شبح، خفاش… هذا باينة بللي شخصية فيها لوثة وماعندوش أصلا شخصية ولا شجاعة …
المهم الواحد يرد بالو، بلانا ربي بوحد الجار مر، لااتحدث عن الشعب المغربي الشقيق، لكن اتحدث عن النظام الص.ه.يوني المخنزي… هو سرطان شمال افريقيا…..الحرب السيبيرانية على الجزائر حقيقة يالخاوة، أطرافها ثالوث مغربي (المخنز) فرنسي اسرائيلي…..والسبب هو مصالح اقتصادية و توسعية…..مارانيش نتكلم من فراغ هذا احد مجالات اختصاصي…..
عندنا غير بلاد وحدة ولازم كل واحد يكون عندو غيرة عليها، الواحد يخلي من حقو اذا اقتضى الأمر من اجل بلادو….وكاين حوايج في البلاد ملاح مكانش حتى في اكبر البلدان في العالم….
source : https://www.facebook.com/mhamed.babou
