العدو نتاع الشعب ماشي كمال رزيق اللي قبل مايترك المنصب كان ديجا متفاهم مع شركة الفيار للحوم الحمراء اللي قدرت توقع اتفاقيات مع 12 متعامل بغرض توزيع اللحوم الحمراء المستوردة بمناسبة شهر رمضان, بسعر لا يتجاوز 1200 دج.
بلاما نهدرو على اللحم اللي راه داخل من دول الساحل اللي قالولهم وحد الوقت بللي مريض، على خاطركان يحبو يجيبوه من فغنسا.
هذي الشركة الجزائرية “ألفيار” رايحة تستورد 20 ألف طن من اللحوم الطازجة و10 الاف وكريف جاهز للذبح, من البرازيل, الأرجنتين, السودان, كولومبيا وبولندا، باش الشعب ياكل اللحم في رمضان.
العدو الحقيقي نتاع الشعب هم التجار المحليين اللي متفاهمين مع الفلاحين اللي تعطيهم الدولة الأراضي والأشجار المثمرة والبذور والدعم نتاع الأسمدة والماء والكهرباء المدعمة والكثير من المزايا الأخرى والتفضيلات وفي الأخير يصطف مع عصابات الاحتكار ولا يدير فالصوصول نتاعو غرف تبريد يخزن ويبدأ يتفرعن ويتيري على الشعب.
شفيتو على تبون كي قاللكم أنا مانعزلش وزير على جال الشعب نتقدو؟ امالا صدق تبون لأنو علابالو الكاليتي نتاع غالبية الشعب كي دايرة، ياكل مع الذيب ويبكي مع الراعي.
صندوق النقد الدولي راه يقارع، وتبون لازملو يشرح وحد الأمور باش الشعب يفهم. هذا الشعب في هذه اللحظة اللي راني نكتب فيها هذا المنشور، في بيت كل واحد كاين على الأقل جيريكان زيت نتاع 5 لتر مخبية ورا الباب وكذبوني ذروك
MB – 22.03.2023